सुरवातीच्या काळात सोयाबीनमध्ये किडींचा प्रादुर्भाव दिसून येतो | In the initial period, the infestation of insects is seen

 


सोयाबीन हे महाराष्ट्रातील खरिपामध्ये घेतले जाणारे प्रमुख पीक आहे. राज्याच्या वेगवेगळ्या भागात मोठ्या प्रमाणात याची पेरणी केली जाते. यावर्षी पावसाचे आगमन वेगवेगळ्या भागात वेगवेगळ्या वेळेस झाल्यामुळे काही ठिकाणी पेरणी लवकर झाली तर काही ठिकाणी उशिरा झाली. 

   सोयाबीन पिकामध्ये किडींचा प्रादुर्भाव सुरुवातीच्या काळापासून दिसून येतो त्यामुळे आपल्याला एकात्मिक पद्धतींचा अवलंब करणे महत्वाचे आहे तरच आपण किडींचे नियंत्रण चांगल्या पद्धतीने करून चांगले उत्पादन घेऊ शकतो. पण राज्यामध्ये वेगवेगळ्या भागात वेगवेगळ्या किडींचा प्रादुर्भाव कमी जास्त प्रमाणात दिसू शकतो. सोयाबीन मध्ये सुरुवातीच्या काळात या किडींचा प्रादुर्भाव दिसून येत आहे. 


पाने खाणारी अळी:- 

 सोयाबीन मध्ये सुरुवातीपासून पाने खाणाऱ्या अळीचा प्रादुर्भाव दिसून येतो. पीक दोन पानांवर आल्यापासूनच या किडीचा प्रादुर्भाव दिसून येतो. लहान अळ्या पाने खरवडतात आणि अळी मोठी झाल्यानंतर पानाचा मधला भाग खाऊन फक्त शिराच शिल्लक ठेवते. 


पाने गुंडाळणारी अळी:-

  सोयाबीनमध्ये दुय्यम असणारी हि कीड सध्या प्रमुख कीड म्हणून दिसून येत आहे.खरिपापाठोपाठ उन्हाळ्यामध्येही घेतले जाणारे सोयाबीन पीक यामुळे या किडीचाही प्रादुर्भाव जास्त प्रमाणात दिसून येत आहे. या किडीची अळी पानांच्या मध्ये राहून आजूबाजूची पाने गुंडाळून आतमध्ये राहून पाने खाते. 


उंट अळी:- 

 सोयाबीनमध्ये या किडींचा प्रादुर्भाव देखील पेरणीनंतर १५-२० दिवसानंतर दिसून येतो. अळी उंटाप्रमाणे कुबड काढून चालते. हि अळी सोयाबीनमध्ये पाने खाताना दिसून येते. 

 

खोडमाशी:-

खोडमाशीचा देखील प्रादुर्भाव सोयाबीनमध्ये सुरुवातीच्या काळात कमी अधिक प्रमाणात दिसून येतो. प्रौढ माशी खोडावर, फांदीवर अंडी घालते, अंड्यातून बाहेर पडलेली अळी खोड पोखरते. 


चक्रीभुंगा:-

सोयाबीन मध्ये चक्रीभुंग्याचा प्रादुर्भाव देखील सुरुवातीला पाहायला मिळतो. मादी भुंगा खोडाला गोलाकार खाच करून त्यामध्ये अंडी देतो. अंड्यामधून बाहेर पडलेली अळी खोड पोखरते. 


  या किडींचा प्रादुर्भाव बऱ्याच भागामध्ये मोठ्या प्रमाणात दिसून येत आहे. त्याचबरोबर पांढरी माशी, मावा यासारख्या रसशोषक किडींचा प्रादुर्भाव देखील दिसून येत आहे. या किडीच्या मुळे पाने पिवळसर होतात आणि विषाणूजनित रोगांचे वहनाचे काम हे रसशोषक किडींच्या माध्यमातून होते. 

  एकात्मिक कीड व्यवस्थापन पद्धतींचा वापर करून या किडींचे नियंत्रण करणे गरजेचे आहे. नियंत्रण उपाययोजनांपेक्षा प्रतिबंधात्मक उपायांचा वापर करून पिकाचे नुकसान होण्याच्या अगोदर कीड रोखणे गरजेचे आहे,त्यानुसार वेगवेगळ्या पद्धतींचा वापर करावा. 



*उत्तर देणाऱ्या शेतकरी मित्रांची नावे:-*

🌱प्रकाश कडागावे, निपाणी.

🌱भागीनाथ असणे, अहमदनगर

🌱वैभव मारुती जाधव,कोल्हापूर

 🌱सुभाष पाटील, कोल्हापूर

*उत्तर देणाऱ्या शेतकरी मित्रांचे मनपूर्वक आभार*


*अधिक माहिती साठी आमच्या वेबसाईटला भेट द्या.👇* 

www.greenrevolutions.in


 *Join Us On Social Media Also👇* 


*You Tube:-*

https://youtube.com/@PheromoneTrap?si=KrfCv82YarfHVwTS


 *Instagram:-*

https://www.instagram.com/greenrevolution87?igsh=c3E5MGQ0aDJ2ZDk1


*Facebook:-* 

https://m.facebook.com/groups/522198518657687/?ref=share&mibextid=8oHioR


*Linkedin:-* 

https://www.linkedin.com/company/greenrevolutions/



टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ऊसामधील लोकरी मावा कीड । प्रभावी नियंत्रण । wooly Aphids Management

इमेज
  ऊस पिकामध्ये बऱ्याच किडींमुळे नुकसान होते. शक्यतो पावसाळ्याच्या दिवसामध्ये प्रामुख्याने हुमणी कीड उसाची मुळे खाते त्यामुळे मोठे नुकसान ऊस पिकाचे होऊ शकते तसेच पावसाच्या दिवसामध्ये जास्त आर्द्रता आणि एकसारखा रिमझिम पाऊस त्यामुळे लोकरी मावा किडीचा प्रादुर्भाव सुद्धा अधिक प्रमाणात दिसून येतो.    ऊस पिकामध्ये लोकरी मावा ही एक गंभीर समस्या बनू शकते, विशेषतः जास्त आर्द्रता आणि ढगाळ वातावरणात याचा प्रादुर्भाव वेगाने वाढतो. या किडीमुळे ऊसाचे रस शोषण होते, ज्यामुळे वाढ खुंटते आणि उत्पादनात मोठी घट येते. याच्या प्रभावी व्यवस्थापनासाठी एकात्मिक कीड व्यवस्थापन (IPM) पद्धतींचा अवलंब करणे आवश्यक आहे. ऊस पिकातील लोकरी मावा किडीचे व्यवस्थापन प्रतिबंधात्मक उपाय - * लागवडीसाठी नेहमी निरोगी आणि किडीमुक्त बेण्याचा वापर करा. लागवड करण्यापूर्वी बेणे बुरशीनाशक आणि कीटकनाशकाच्या द्रावणात (उदा. इमिडाक्लोप्रिड किंवा थायमेथोक्झाम) बुडवून प्रक्रिया करून लागण करा. * लोकरी माव्याला काही प्रमाणात सहनशील असलेले वाण (उदा. को-८६०३२, को-८०११, कोएम-०२६५  या वाणांमध्ये माव्याचा प्रादुर्भाव कमी दिसून य...
अधिक वाचा

हुमणी कीड प्रभावी नियंत्रण । प्रतिबंधात्मक आणि नियंत्रणात्मक उपाय । White Grub Management |

इमेज
  हुमणी एक अतिशय नुकसानकारक आणि नियंत्रणासाठी कठीण अशी एक कीड आहे जी शेतकऱ्याचे ऊस, भुईमूग, बटाटा, सोयाबीन यासारख्या नगदी  तसेच भाजीपाला पिकामध्ये मोठ्या प्रमाणावर नुकसान करते. हुमणी हि खरीप हंगामामध्ये अधिक सक्रिय असल्यामुळे नियंत्रण उपाय करणे खूप कठीण होते. हुमणी किडीमुळे पिकाचे ३० से ८० टक्के पर्यंत नुकसान होऊ शकते.     हुमणी कीड जमिनीमध्ये राहून पिकाच्या मुळाजवळ राहून नुकसान पोहोचवते. हि कीड जमिनीमध्ये असल्यामुळे नियंत्रण उपाय करताना खूप कठीण जाते. त्यामुळे या किडीच्या नियंत्रणासाठी प्रतिबंधात्मक बाबी नियंत्रणात्मक उपाय केल्यास किडीचे नियंत्रण नक्कीच शक्य आहे. तर आज आपण पाहूया कि त्यासाठी प्रतिबंधात्मक आणि नियंत्रणात्मक उपाय कोणते करता येतील.                                                                         हुमणी नियंत्रणासाठी प्रतिबंधात्मक उपाय :- हुमणी किडीचे साधारणपण...
अधिक वाचा

रसशोषक किडी । पिकाचे कसे नुकसान करतात । Damage by Sucking Pest

इमेज
  पिकामध्ये वेगवेगळ्या किडींच्या मुळे नुकसान होताना पाहायला मिळते, त्यामध्ये पानांचे नुकसान करणारी कीड, खोडाला नुकसान पोहोचवणारी कीड, फळाला नुकसान पोहोचवणारी कीड आणि मुळाला नुकसान पोहोचवणाऱ्या या किडी पिकाला प्रत्यक्ष खाऊन नुकसान करतात तर पिकामध्ये रस शोषण करून पिकाला नुकसान करणाऱ्या किडींच्यामुळेही पिकाचे अधिक नुकसान होऊ शकते.      रसशोषक किडी या शेतीतील पिकांसाठी अत्यंत हानिकारक असतात. यामध्ये पांढरी माशी, मावा, तुडतुडे, थ्रिप्स यासारख्या बऱ्याच किडी पिकाला नुकसान पोहोचवतात. या किडी पिकामध्ये राहून पानांमधून, खोडामधून रस शोषून घेतात, ज्यामुळे पिकाचे नुकसान होते. हे नुकसान केवळ प्रत्यक्ष आणि अप्रत्यक्ष असे दोन्ही प्रकारे होते.  रसशोषक किडीमुळे पिकाचे होणारे प्रत्यक्ष नुकसान:-  रसशोषक किडी (उदा. मावा, तुडतुडे, पांढरी माशी, फुलकिडे, पिठ्या ढेकूण इत्यादी) पानांमधून, कोवळ्या फांद्यांमधून, फुलांमधून किंवा फळांमधून रस शोषून घेतात. हा रस झाडाच्या वाढीसाठी आवश्यक पोषक तत्वे आणि पाणी वाहून नेतो. रस शोषल्यामुळे झाडाला आवश्यक पोषण मिळत नाही.   यामुळे पिकावर...
अधिक वाचा