आंब्यावरील पाने गुंडाळणारी अळी | Orthaga euadrusalis | आंब्यावरील किडी

 🏫IPM SCHOOL🌱


* आंब्याच्या झाडावरील हे नुकसान आंब्यावरील पाने गुंडळणारी अळीच्या प्रादुर्भावामुळे झाले आहे. 


आंब्यावरील पाने गुंडाळणारी अळी


शास्त्रीय नाव - Orthaga euadrusalis

 

नुकसान:-

आंब्याच्या पानांवर लक्षणे लगेच दिसून असतात. अळ्या कोवळी पानांच्या शिरांमधील भाग खातात आणि शिराच शिल्लक ठेवतात.त्यामुळे कोरडे, जाळीदार आणि वाळलेल्या पानांचे पुंजके तयार झालेले दिसतात.प्रादुर्भाव जास्त प्रमाणात झाला असेल तर फांद्या वाळतात ज्यामुळे प्रकाशसंश्लेषणात बाधा येते. किडीमुळे नुकसान झालेला भाग तपकिरी, कोरड्या तसेच गुच्छ झालेल्या पानांमुळे सहज ओळखता येतो. किडीचा प्रादुर्भावामुळे फुलांवर आणि फळधारणा प्रक्रियेवरही परिणाम होतो.  


जीवनचक्र:-

किडीचे प्रौढ पतंग हे मध्यम आकाराचे, राखाडी रंगाचे पतंग असतात ज्यात गडद तपकिरी खवले आणि निस्तेज, पांढऱ्या रंगाचे मागील पंख असतात. मादी पिवळसर हिरवी निस्तेज रंगाची अंडी आंब्याच्या पानांवर घालतात जी बहुधा एका आठवड्यात ऊबवतात. हवामान परिस्थितीप्रमाणे अळी अवस्था 15 ते 33 दिवसांची असू शकते.  शेवटच्या टप्प्यानंतर अळ्या विणलेल्या जाळ्यातच कोषात जातात. जर झाडाच्या फांदीला धक्का लागल्यास जमिनिवर पडतात आणि तिथेच आपली कोषावस्था पूर्ण होते. कोषावस्था सुमारे 5-15 दिवस असू शकते.


एकात्मिक व्यवस्थापन:-

* आंब्याच्या बागेची/ झाडांची नियमित निरीक्षण करावे. 

* झाडावर किडीच्या प्रादुर्भाव झाला असेल तर प्रादुर्भावग्रस्त जाळीदार पाने, फांदीसह तोडून नष्ट करावीत. 

* तसेच प्रादुर्भाव झालेल्या झाडाखाली जमिनीवर पडलेली जाळीदार, प्रादुर्भावग्रस्त पाने सुद्धा गोळा करून नष्ट करावीत कारण त्यात परिपक्व अळ्या किंवा कोष असतात.

* मातीमध्ये असलेले कोष नष्ट करण्यासाठी झाडाखालची माती नांगरली जाणे गरजेचे आहे. त्यामुळे मातीमधील कोष/अळ्या बाहेर पासून पक्षी खाऊन टाकतील किंवा उन्हामुळे नष्ट होऊन जातील. 

* दाट फळबागेमध्ये फांद्याची छाटणी केली पाहिजे ज्यामुळे बागेमध्ये हवा आणि सूर्यप्रकाश चांगल्या पद्धतीने पोहोचेल. 

* पाने गुंडाळणाऱ्या अळीचे नैसर्गिक पद्धतीने नियंत्रण करणारे काही मित्रकीटक निसर्गात उपलब्ध आहेत जसे कि ब्राचिमेरिया लैसस किंवा हॉर्मियस प्रजाती तसेच काराबिड बीटल. 

* तसेच हवेमध्ये जास्त आर्दता असताना म्हणजेच जून-जुलै मध्ये ब्युव्हेरिया बॅसियानाची 2 ते 3 वेळा फवारणी केल्यास किडीचे चांगले नियंत्रण होते. 

* सुरुवातीपासून एकात्मिक दृष्टिकोन ठेऊन त्यापद्धतीने किडीचे नियंत्रण करायला हवे. 

* जर किडीचा प्रादुर्भाव जास्त प्रमाणात झाला असेल तरच रासायनिक कीटकनाशकाचा वापर करावा. 

* रासायनिक कीटकनाशकांमध्ये लॅम्बडा सायहॅलोथ्रीन 5% EC @ 2.0 ml/लिटर पाणी किंवा क्लोरँट्रीनिलिप्रोल 18.5% SC @ 0.2 ml/लिटर पाण्यामधून फवारणी करावी आणि गरज भासल्यास दुसरी फवारणी 15 दिवसांनी करावी. 

स्रोत - इंटरनेट

*उत्तर देणारे शेतकरी मित्र:-*

🌱गजानन विठ्ठलराव माने,दाटेगाव ,हिंगोली

🌱भूषण उत्तम गोविंद, मालेगाव

🌱बाळकृष्ण आंबीलढोके, कागल कोल्हापूर 

*🙏उत्तर दिल्याबद्दल सर्वांचे मनापासून आभार🙏*


एकात्मिक कीड व्यवस्थापनाच्या नवीनतम अपडेट्ससाठी आमच्याशी नक्की सामील व्हा..👇🏻👇🏻

https://www.facebook.com/groups/522198518657687/?ref=share

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

ऊसामधील लोकरी मावा कीड । प्रभावी नियंत्रण । wooly Aphids Management

इमेज
  ऊस पिकामध्ये बऱ्याच किडींमुळे नुकसान होते. शक्यतो पावसाळ्याच्या दिवसामध्ये प्रामुख्याने हुमणी कीड उसाची मुळे खाते त्यामुळे मोठे नुकसान ऊस पिकाचे होऊ शकते तसेच पावसाच्या दिवसामध्ये जास्त आर्द्रता आणि एकसारखा रिमझिम पाऊस त्यामुळे लोकरी मावा किडीचा प्रादुर्भाव सुद्धा अधिक प्रमाणात दिसून येतो.    ऊस पिकामध्ये लोकरी मावा ही एक गंभीर समस्या बनू शकते, विशेषतः जास्त आर्द्रता आणि ढगाळ वातावरणात याचा प्रादुर्भाव वेगाने वाढतो. या किडीमुळे ऊसाचे रस शोषण होते, ज्यामुळे वाढ खुंटते आणि उत्पादनात मोठी घट येते. याच्या प्रभावी व्यवस्थापनासाठी एकात्मिक कीड व्यवस्थापन (IPM) पद्धतींचा अवलंब करणे आवश्यक आहे. ऊस पिकातील लोकरी मावा किडीचे व्यवस्थापन प्रतिबंधात्मक उपाय - * लागवडीसाठी नेहमी निरोगी आणि किडीमुक्त बेण्याचा वापर करा. लागवड करण्यापूर्वी बेणे बुरशीनाशक आणि कीटकनाशकाच्या द्रावणात (उदा. इमिडाक्लोप्रिड किंवा थायमेथोक्झाम) बुडवून प्रक्रिया करून लागण करा. * लोकरी माव्याला काही प्रमाणात सहनशील असलेले वाण (उदा. को-८६०३२, को-८०११, कोएम-०२६५  या वाणांमध्ये माव्याचा प्रादुर्भाव कमी दिसून य...
अधिक वाचा

हुमणी कीड प्रभावी नियंत्रण । प्रतिबंधात्मक आणि नियंत्रणात्मक उपाय । White Grub Management |

इमेज
  हुमणी एक अतिशय नुकसानकारक आणि नियंत्रणासाठी कठीण अशी एक कीड आहे जी शेतकऱ्याचे ऊस, भुईमूग, बटाटा, सोयाबीन यासारख्या नगदी  तसेच भाजीपाला पिकामध्ये मोठ्या प्रमाणावर नुकसान करते. हुमणी हि खरीप हंगामामध्ये अधिक सक्रिय असल्यामुळे नियंत्रण उपाय करणे खूप कठीण होते. हुमणी किडीमुळे पिकाचे ३० से ८० टक्के पर्यंत नुकसान होऊ शकते.     हुमणी कीड जमिनीमध्ये राहून पिकाच्या मुळाजवळ राहून नुकसान पोहोचवते. हि कीड जमिनीमध्ये असल्यामुळे नियंत्रण उपाय करताना खूप कठीण जाते. त्यामुळे या किडीच्या नियंत्रणासाठी प्रतिबंधात्मक बाबी नियंत्रणात्मक उपाय केल्यास किडीचे नियंत्रण नक्कीच शक्य आहे. तर आज आपण पाहूया कि त्यासाठी प्रतिबंधात्मक आणि नियंत्रणात्मक उपाय कोणते करता येतील.                                                                         हुमणी नियंत्रणासाठी प्रतिबंधात्मक उपाय :- हुमणी किडीचे साधारणपण...
अधिक वाचा

रसशोषक किडी । पिकाचे कसे नुकसान करतात । Damage by Sucking Pest

इमेज
  पिकामध्ये वेगवेगळ्या किडींच्या मुळे नुकसान होताना पाहायला मिळते, त्यामध्ये पानांचे नुकसान करणारी कीड, खोडाला नुकसान पोहोचवणारी कीड, फळाला नुकसान पोहोचवणारी कीड आणि मुळाला नुकसान पोहोचवणाऱ्या या किडी पिकाला प्रत्यक्ष खाऊन नुकसान करतात तर पिकामध्ये रस शोषण करून पिकाला नुकसान करणाऱ्या किडींच्यामुळेही पिकाचे अधिक नुकसान होऊ शकते.      रसशोषक किडी या शेतीतील पिकांसाठी अत्यंत हानिकारक असतात. यामध्ये पांढरी माशी, मावा, तुडतुडे, थ्रिप्स यासारख्या बऱ्याच किडी पिकाला नुकसान पोहोचवतात. या किडी पिकामध्ये राहून पानांमधून, खोडामधून रस शोषून घेतात, ज्यामुळे पिकाचे नुकसान होते. हे नुकसान केवळ प्रत्यक्ष आणि अप्रत्यक्ष असे दोन्ही प्रकारे होते.  रसशोषक किडीमुळे पिकाचे होणारे प्रत्यक्ष नुकसान:-  रसशोषक किडी (उदा. मावा, तुडतुडे, पांढरी माशी, फुलकिडे, पिठ्या ढेकूण इत्यादी) पानांमधून, कोवळ्या फांद्यांमधून, फुलांमधून किंवा फळांमधून रस शोषून घेतात. हा रस झाडाच्या वाढीसाठी आवश्यक पोषक तत्वे आणि पाणी वाहून नेतो. रस शोषल्यामुळे झाडाला आवश्यक पोषण मिळत नाही.   यामुळे पिकावर...
अधिक वाचा