तंबाखू पिकात वापरायचे कामगंध सापळे । Traps used in Tobacco | Integrated Pest Management



तंबाखू पीक हे उत्तर कर्नाटक महाराष्ट्र भागात मोठ्या प्रमाणात घेतले जाते. जसे कोणत्याही पिकाचे चांगले उत्पन्न घेण्यासाठी महत्वाची गोष्ट म्हणजे पिकामध्ये येणाऱ्या किडींचे व्यवस्थापन चांगल्या पद्धतीने करणे आहे. किडींच्या चांगल्या व्यवस्थापनासाठी पिकामध्ये कोणत्या किडींचा प्रादुर्भाव होतो याची माहिती असणे आवश्यक आहे. 

 पिकामध्ये येणाऱ्या किडींचे एकात्मिक व्यवस्थापन करणे गरजेचे आहे आणि त्यामध्ये प्रमुख गोष्ट आहे ती म्हणजे कामगंध सापळे आणि चिकट सापळे यांचा वापर. तंबाखूवरील पाने खाणारी अळी, शेंडा खाणारी अळी (हेलिकोव्हर्पा आर्मीगेरा), कटवर्म (ऍग्रोटिस यप्सिलॉन) अळी या प्रमुख किडी तसेच पांढरी माशी, मावा, तुडतुडे या रसशोषक किडींचा प्रादुर्भाव पाहायला मिळतो.  तर आज आपण जाणून घेऊयात कि तंबाखू पिकामध्ये कोणत्या किडींच्या व्यवस्थापनासाठी कामगंध सापळ्यांचा आणि चिकट सापळ्यांचा वापर करू शकतो. 


*तंबाखूमधील पाने खाणारी अळी:-*

या किडीचे शास्त्रीय नाव स्पोडोप्टेरा लिट्युरा आहे. या किडीचा प्रादुर्भाव अगदी सुरुवातीपासून दिसून येतो.हि अळी तंबाखूची पाने खाते आणि अशी पाने जाळीदार झालेली दिसतात. या किडीच्या व्यवस्थापनासाठी स्पोडो ल्युर आणि फनेल ट्रॅप १० प्रति एकरी सुरुवातीला लावावेत. सापळ्यामधील ल्युर दर ४५ दिवसांनी बदलावी लागते. 


*कोवळा शेंडा खाणारी अळी:-*

या किडीचे शास्त्रीय नाव हेलिकोव्हर्पा आर्मीगेरा आहे. या किडीची अळी हिरवट रंगाची असून ती प्रामुख्याने कोवळे शेंडे खाताना दिसून येते. या किडीच्या व्ययवस्थापनासाठी हेलिको ल्युर आणि फनेल ट्रॅप १० ट्रॅप प्रति एकरी लावावेत. यासुद्धा सापळ्यामधील ल्युर ४५ दिवसांनी बदलावी. 


 तंबाखू पिकामध्ये येणाऱ्या या २ प्रमुख किडींसाठी कामगंध सापळ्यांचा वापर करू शकतो. त्यानंतर पिकामध्ये येणाऱ्या पांढरी माशी, मावा, तुडतुडे या रसशोषक किडींच्या नियंत्रणासाठी पिवळे आणि निळे चिकट सापळे ३० ते ४० प्रति एकरी सुरुवातीपासून लावावेत. 


सापळा लावलेल्या तारखेपासून ४५ दिवसांनी ल्युर बदलून घ्याव्या. सापळ्यामध्ये सापडणारे पतंग मोजून प्रादुर्भाव किती प्रमाणात आहे याचा अंदाज आपण लावू शकतो. प्रादुर्भाव वाढतोय असं जाणवलं तर सापळ्यांची संख्या वाढवावी. एकात्मिक कीड व्यवस्थापनामधील इतर पद्धतींचा वापर चालू ठेवावा. 



*उत्तर उत्पादन शेतकरी मित्र:-*

 🌱पी.एस. बर्डे अकोला

🌱तांडले पुंडलिक कालियास, देवांगर 

*🙏उत्तराबद्दल सर्वांचे मनापासून आभार🙏*

*अधिक माहिती साठी आमच्या वेबसाईटला भेट द्या.👇* 

www.greenrevolutions.in


 *Join Us On Social Media Also👇* 


*You Tube:-*

https://youtube.com/@PheromoneTrap?si=KrfCv82YarfHVwTS


 *Instagram:-*

https://www.instagram.com/greenrevolution87?igsh=c3E5MGQ0aDJ2ZDk1


*Facebook:-* 

https://m.facebook.com/groups/522198518657687/?ref=share&mibextid=8oHioR


*Linkedin:-* 

https://www.linkedin.com/company/greenrevolutions/


#ipm_school #IPM #gogreen #Tobacco #Tobaccofarming #Tobaccoplants #disease #wilting #management #diseasemanagement #farming

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

नारळामधील सर्वांत धोकादायक कीड । सोंड्या भुंगा । नुकसान आणि नियंत्रण उपाय । Red Palm Weevil

इमेज
  नारळ हे कोकणातील महत्त्वाचे बागायती फळपीक आहे. नारळाचे मोठ्या प्रमाणावर उत्पादन कोकण भागामध्ये घेतले जाते. तसेच महाराष्ट्रामध्ये इतर काही भागात कमी अधिक प्रमाणात नारळाची झाडे लावली जातात. कोकण भागामध्ये असणाऱ्या या महत्त्वपूर्ण पिकाला सोंड्या भुंगा हि कीड अतिशय मोठ्या प्रमाणात नुकसान पोहोचवते.  नारळ पिकासोबत सुपारी, खजूर यासारख्या पिकामध्येही मोठ्या प्रमाणावर नुकसान करण्याचे सामर्थ्य या किडीमध्ये आहे. मोठा प्रादुर्भाव झाल्यास संपूर्ण बागेचही नुकसान या किडीमुळे होऊ शकत.  नारळ पिकामध्ये प्रामुख्याने गेंडा भुंगा (ऱ्हिनोसेरॉस बीटल), सोंड्या भुंगा (रेड पाम बीटल), नारळामधील पांढरी माशी, कोळी, वाळवी यासारख्या अनेकी किडी नुकसान करतात. आज आपण जाणून घेणार आहोत कि नारळामध्ये सोंड्या भुंगा कसे नुकसान करतो आणि त्याचे नियंत्रण कसे करता येईल.  सोंड्या भुंगा (रेड पाम विव्हिल) या किडीचा प्रादुर्भाव सर्वत्र दिसत असला तरीही दुर्लक्षित बागा आणि नवीन लागवड केलेल्या नारळ बागांमध्ये जास्त प्रमाण दिसून येते. हा भुंगा गेंड्या भुंग्यापेक्षाही जास्त हानिकारक आहे. वेळीच प्रादुर्भावग्रस्त झाडे...
अधिक वाचा

आंबा फळगळ समस्या । कारणे आणि उपाय । Mango Fruit Dropping Problem & Solutions

इमेज
आंबा पिकातील फळगळ ही बागायतदारांसमोरील एक मोठी समस्या आहे. मोहोर लागल्यापासून ते फळ काढणीपर्यंत विविध टप्प्यांवर फळगळ होऊ शकते. वेळीच उपाययोजना केल्यास हे नुकसान टाळता येते. आंबा फळगळीची प्रमुख कारणे पाण्याचा ताण: - कडक उन्हाळ्यात जमिनीतील ओलावा कमी झाल्यामुळे किंवा अनियमित पाणी पुरवठ्यामुळे झाड फळे गाळून टाकते. अन्नद्रव्यांची कमतरता:- प्रामुख्याने बोरॉन, झिंक आणि नत्र यांसारख्या सूक्ष्म अन्नद्रव्यांच्या कमतरतेमुळे फळांची देठं कमकुवत होतात. हवामानातील बदल:- अचानक वाढलेले तापमान, उष्ण वारे (लू) किंवा ढगाळ हवामान यामुळे फळगळ वाढते. कीड आणि रोगांचा प्रादुर्भाव(तुडतुडे):- हे फळांतील रस शोषतात, ज्यामुळे फळे गळतात. भुरी आणि करपा रोगाचा प्रादुर्भाव:- या रोगांमुळे फळांच्या देठावर जखमा होतात. संप्रेरकांचे असंतुलन: झाडातील नैसर्गिक संजीवकांचे प्रमाण कमी झाल्यामुळे 'अ‍ॅबसिसिक ॲसिड' तयार होते, जे फळगळीला कारणीभूत ठरते. परागीभवन : परागीभवन योग्य प्रकारे न झाल्यास फळांची वाढ खुंटते आणि ती गळून पडतात. फळगळ थांबवण्यासाठी उपाययोजना १.पाणी व्यवस्थापन: -  *फळे वाटाण्याच्या आकाराची झाल्यावर झ...
अधिक वाचा

आंबा मोहोर संरक्षण व फळधारणा वाढविण्यासाठीचे उपाय | Measures to increase mango blossom and fruit

इमेज
  सध्या आंब्याच्या झाडांना सर्वत्र कमी अधिक प्रमाणात मोहोर दिसू लागला आहे. महाराष्ट्रात वेगवेगळ्या भागात मोठ्या प्रमाणात आंबा पिकवला जातो. महाराष्ट्राच्या कोकण भागात तर आंब्याच्या खूप मोठ्या बागा आहेत.    बदलत्या हवामानामुळे तसेच कीड आणि रोगांच्या प्रादुर्भावामुळे मोहोराचे मोठ्या प्रमाणात नुकसान होताना दिसते. तर अगदी सुरुवातीच्या काळापासून मोहोराच्या संरक्षणासाठी प्रयत्न केल्यास नक्कीच चांगल्या पद्धतीने मोहोर टिकून चांगले आंब्याचे उत्पन्न शेतकऱ्याला नक्की मिळेल. तर आज आपण जाणून घेणार आहोत कि अगदी सुरुवातीपासून मोहोर संरक्षण कश्या पद्धतीने केले पाहिजे.  आंबा मोहोराची काळजी:- आंब्याच्या झाडांना मोहोर फुटण्याची क्रिया साधारणपणे डिसेंबरच्या दुसर्‍या पंधरवड्यापासून सुरू होते आणि ती जानेवारी अखेरपर्यंत चालू राहते. क्वचित प्रसंगी डिसेंबरच्या पहिल्या आठवड्यात काही ठिकाणी मोहोर येतो. तुडतुडे, कोळी, मिजमाशी, पिठ्या ठेकूण इ. किडी तसेच करपा, भुरी इ. रोगांचा प्रादुर्भाव कमी करणे आवश्यक आहे. मोहोर फुटल्यानंतर जर फवारणी केली तर किडीचे नियंत्रण करणे अवघड जाते. किडीचा प्रादुर्भाव:- म...
अधिक वाचा